The Realtionship Agreement

Kuch cheezen mujhe clear karna h, agar main abhi nahi bolunga, toh yeh sab andar hi andar mujhe affect karta rahega.

Tum smart ho, samajhdaar ho… but ek cheez mujhe feel hoti hai, sometimes it feels like you hide behind a mask. Aur honestly, long-term relationship mein tricks ya manipulation kaam nahi karte jo tum karte. Wahan bas real hona padta hai. Jaisa ho, waisa hi.

Agar yeh connection long-term chalna hai, toh kuch cheezein fix karni padengi, warna yeh bas ek connection reh jayega jiska koi strong base nahi hoga.

Sabse pehli cheez - Communication

Communication indirect nahi hota. Hints dena ya expect karna ki saamne wala samajh jaaye, that’s not communication. Usme clarity hoti hai. Apni needs bolni padti hain, baar baar bolni padti hain. Tumhe kya chahiye, tum kya feel karti ho, kaha main galat tha - yeh sab openly bolna padta hai. Aur meri baat bhi utni hi importance se sunni padti hai. Being a girl doesn’t mean immaturity chalegi. Relationship mein dono ko equally mature hona padta hai.

Do not shut down; instead, speak up.

Second - Ignoring.

Main roz call nahi karta. Main unnecessary disturb nahi karta. But jab main kabhi low feel kar raha hu, ya kisi se baat karni ho, to aese mein insan apne partner ko hi reachout karta. Us moment pe at least itna toh deserve karta hoon ki tum 10 second ke liye call back karke bol do ki “abhi busy hoon, baad mein baat karti hoon.” Aur agar bolti ho ki baad mein call karogi, toh please woh sirf bolne ke liye mat bolo. Main tumse hours nahi maang raha, na daily calls. Bas kabhi kabhi 1–2 minute, jab mujhe zarurat ho… itna bhi mushkil nahi hona chahiye. 

Upar se bahot hurt hota, jab useless reasons dete. jo banda already low feel kar raha, uska pura raat barbaad ho jata, aur next day bhi. 10sec - 10 sec ki reassurance mere kai ghante bacha sakte. Duniya jahan se baat kar rahe to 10 second to de hi sakte, sone se pahle.

Third - Truth.

Mujhe fake cheezein nahi chahiye. Na manipulation, na woh words jo feel hi nahi hote. Mujhe bas sach chahiye. Chahe uncomfortable ho, but real ho. It’s frustrating jab patterns dikhte hain, but unpe baat nahi hoti. Main yeh nahi kar sakta ki main baar baar apna heart open karu aur saamne se sab kuch game ki tarah aaye. Relationship mein honesty basic hoti hai, optional nahi.

Fourth - Reassurance.

Agar mere dimaag mein har time yeh fear rahe ki tum kabhi bhi leave kar sakti ho, toh main kabhi fully open nahi ho paunga. Mujhe reassurance chahiye, clear feel hona chahiye ki main kaha stand karta hoon. Mujhe yeh bhi jaana hai ki tum kya feel karti ho, tumhe mere baare mein kya pasand nahi, kaha main improve kar sakta hoon. Tabhi trust build hota hai. Relationship mein flexibility, effort, aur zero fakeness zaroori hota hai.

Aur honestly, ab situation yeh ho gayi hai ki mujhe har cheez pe doubt hone lagta hai - har baat, har moment, har interaction. Ye sab Sirf isliye kyunki communication nahi hai, cheezein ignore hoti hain, questions dodge hote hain, aur excuses milte hain.

Tum jaanti ho main overthink karta hoon. Chhoti chhoti cheezein bhi mere dimaag mein bahut badi ban jaati hain. Ek call miss ho jaaye toh pura night kharab ho jata hai, aur ek baar jhooth feel ho jaaye toh main pichli har cheez pe doubt karne lagta hoon.

Jab silence hota hai na, jab clarity nahi milti… tab dimaag khud hi worst possible thoughts bana leta hai. Har cheez question hone lagti hai. Tumhare timings mein chhoti si change, habits mein halka sa difference, sab notice hota hai, aur woh mujhe shayad jitna affect nahi karna chahiye, usse zyada karta hai.

Aur yeh main tumhe ek baar nahi, multiple times bata chuka hoon —

itna hi chahiye hota hai: ek simple genuine message, ek voice note, ya bas 2 minute ki call.

Bas itna sa.

Mujhe samajh nahi aata main isme galat kaha hoon… jab main itni basic cheez maang raha hoon. Tum pura din calls pe rehti ho, phir 2 minute mere liye nikalna itna mushkil kyon hai?

Mujhe distance nahi chahiye, mujhe space nahi chahiye…

mujhe bas thoda sa reassurance chahiye.

Sach mein, thoda sa reassurance hi sab theek kar sakta hai.

Main tumse kuch zyada nahi maang raha. Na time ka pressure, na unrealistic expectations.

Bas yeh chahiye -

communication, emotional honesty, dil ki baat dil tak, thoda reassurance… aur kabhi kabhi 1–2 minute jab mujhe zarurat ho.

Itna basic hai, but mere liye itna hi important hai.

Agar yeh nahi hoga, toh main honestly is relationship mein stable feel nahi kar paunga.

Also i have been emotionally honest with u from day 1, mujhe nhi pata aise kitne paragraph mere tumne padhe bhi honge, vaise bhi kabhi response aaya nhi confirm karne ke liye, par plz tum bhi thoda communicate karo.