Mujhe hamesha laga tha ki hamara rishta itna gehra hai ki agar kabhi kuch galat hoga, ya koi baat hurt karegi, to hum baith ke baat karenge. Share karenge. Communicate karenge.

Lekin tum bina properly baat kiye chali gayi. Ek call pe baat nhi hui.

Tumhe laga ki main tumhe criticize karta hoon, tumhe undervalued feel karata hoon. Aur mujhe laga ki mujhe misunderstand kiya gaya. Kyunki mera kabhi bhi woh intention nahi tha. Aur mujhe kabhi mauka bhi nahi mila ki main yeh explain kar sakun. Keval chats ke through explain kiya, jo ki ek one-way communication tha.

Mujhe is baat ka bura laga ki itni saari baatein tumne apne andar accumulate hone di. Agar woh sab pehle share ki hoti, to shayad hum milkar unhe resolve kar sakte the.

Ab jo cheez sabse zyada toot gayi hai, woh trust hai. Mujhe hamesha laga tha ki chahe kuch bhi ho, hum baat karke cheezein solve kar lenge. Par jab tum bina baat kiye chali gayi, to woh belief hi hil gaya.

Tum mujhe jaanti thi. Tumhe pata tha ki mera intention kabhi tumhe hurt karne ka nahi ho sakta. Main hamesha honest raha. Jab gussa hua, maine bataya. Jab kuch feel kiya, maine likha. Long paragraphs bhi bheje.

Par tumne apni baatein kyon chhupayi rakhi?
Kyon mujhe kabhi nahi bataya ki tum andar hi andar itna hurt feel kar rahi thi?