Toota Bharam

Toota Bharam

Mere ek chhote se mazaak ko itna bada bana diya, aur breakup kar liya? Maine kya kiya, yeh sochne se pehle kabhi khud se poocha hai ki tumne kya kiya? Kya tumhare har action mein wahi sab shamil nahi tha?

Kya maine tumse pyaar nahi kiya tha? Kaise decide kar liya 1 mahine mein ki bas yahi sab hai? Sach toh yeh hai ki mujhe lagta hai tumne shayad kabhi mujhse pyaar kiya hi nahi.

Pyaar hota toh intezaar hota. Doosron ke emotions ki samajh hoti. Pata hota ki pyaar mein nok-jhok bhi hoti hai, aur cheezein hamesha achhi nahi hoti. Samne wala hamesha us condition mein nahi hota ki woh apna 100% de sake.

Pyaar hota toh kisi aur ke saath relationship mein hote hue, mujhe ignore karke kisi aur ladke se baat nahi karte. Breakup karte hi kisi aur se engage nahi hote. Kisi aur se breakup karke, uski neend uda kar, roz raat kisi aur ladke se baat nahi karte.

Aaj jab main mud kar dekhta hoon, toh sochta hoon main kitna stupid tha jo tumhare pyaar par bharosa kar baitha. Tum mere saath the aur tab bhi kisi aur se baat karte the. Par tumhare paas mera call uthane ka 1 minute nahi tha... hamesha 'busy' hone ka bahana banaya.

Tum doosron ke calls utha rahe the, par mujhe lagatar 12 ghante tak ignore kiya. Koi kitna bhi busy ho, ek message toh kar hi sakta hai.

I really wish ki tum wahi suffer karo jo maine tumse pyaar karke saha hai. Is ek mahine mein jo dard maine mehsoos kiya hai, uska 1000 guna zyada tumhe mehsoos ho. Tumhe aage aise log milein jo kabhi tumhare saath pyaar ke liye na rahein... kyunki waise bhi, tum pyaar dhoondh kahan rahi ho?

Bahut mature banti ho tum... kaash thodi si immaturity bhi hoti tumhare andar, toh shayad sacche emotions feel kar paati.

You will never find anyone who will love you.
You don't deserve it.